MANILA, Philippines - Nasa kritikal na kalagayan ang isang misis nang ito ay saksakin ng kanyang mister matapos na nabalitaan na iniwan nito ang kanilang limang anak para makipag-date sa isang lalaki sa isang piyesta kamakalawa sa Brgy. Dahican, Carrascal, Surigao del Sur.
Ang biktima na nilalapatan ng lunas sa Madrid District Hospital sanhi ng tinamong saksak sa kanang ng kaniyang dibdib ay kinilalang si Marie Buo Ruperes.
Nadakip agad ang mister nitong si Redante Ruperes, 37, matapos makorner ng mga otoridad.
Sa ulat, bago nangyari ang insidente sa gymnasium ng Brgy. Dahican, Carasscal ng dakong ala-1:30 ng madaling araw ay namiyesta ang biktima kasama ang isang lalaki na hinihinalang kalaguyo nito.
Nabalitaan naman ito ng mister nang dumating ito sa bahay at iniwan ang lima nilang paslit na anak na ikinagalit nito.
Galit na sumugod sa piyestahan ng barangay ang nasabing mister at sinugod ng saksak ang ang misis na tinamaan sa kaniyang dibdib.