MANILA, Philippines - Dead-on-the-spot ang isang kawani ng Muntinlupa City Hall nang pagbabarilin ng dalawang lalaki na sakay ng isang motorsiklo kahapon ng madaling-araw sa nasabing lungsod.
Kinilala ang nasaÂwing si Wilfredo Pastrana, 47, biyudo, draftsman sa Assessor’s Office at nakatira sa Lot 6, Block 28-J, Huli St., Katarungan Village, Barangay Poblacion, Muntinlupa City.
Batay sa ulat, naganap ang insidente alas-12:30 ng madaling-araw ay papatawid ang biktima sa panulukan ng Bruger St., at National Road, Barangay Putatan ng naturang lungsod mula sa pakikipag-inuman sa isang restaurant nang dumating ang isang kulay puting Yamaha motorcycle na walang plaka at walang kaabog-abog na pinagbabaril ang biktima.
Mabilis na tumakas ang dalawang suspek nang bumulagta ang biktima.
Isa sa anggulong mga iniimbestigahan ng Muntinlupa City Police ang trabaho nito sa City Hall.