Bagong silang na sanggol iniwan sa ulan
MANILA, Philippines - Wala ng buhay nang matagpuan ang bagong silang na sanggol na babae sa isang bakanteng lote habang nasa kasagsagan ng ulan kamakalawa sa Caloocan City.
Natukoy naman kung sino ang ina matapos na makita ang bakas ng dugo buhat sa sanggol na natunton sa bahay ng ina nito na si Angelina Argana, 19, ng no.139 Kalaanan Compound, Brgy. 86, ng naturang lungsod.
Nang kumprontahin ng mga opisyal ng barangay, inamin ni Argana na siya ang nagtapon ng kanyang bagong panganak na sanggol ngunit hindi niya alam umano na patay ang kanyang anak.
Nais lamang umano niyang mapulot ito ng ibang tao na kayang buhayin ito dahil sa nakakulong ang kanyang kinakasama.
Nahaharap ngayon sa kasong “abortion†base sa Article 258 ng Revised Penal Code ang suspek na si Argana.
Sa ulat ng Caloocan City Police, dakong alas-6:00 ng umaga nang madiskubre ni Wilfredo Aquino, Barangay Ex-O, ang naturang sanggol na itinapon sa bakanteng lote sa no. 28 Kalaanan Compound.
- Latest
