MANILA, Philippines - Sa isang simpleng pagtatampo sa ate ang nagtulak sa isang 12-anyos na batang babae na magpakamatay sa pamamagitan nang pagbibigti kamakalawa sa Tigbao, Zamboanga del Sur.
Nakilala ang biktimang si Laiza Panganuron, residente ng Barangay Begong, sa naturang bayan.
Sa ulat ng Police Regional Office (PRO) 9, dakong alas-10:10 ng umaga nang matagpuan ang biktima na nakabigti sa silid nito.
Gumamit ang biktima ng nylon rope sa kanyang pagbibigti na halos hindi mapaniwalaan ng kaniyang pamilya.
Isinugod pa ang biktima sa Zamboanga del Sur Medical Center, subalit idineklara itong dead on arrival.
Nabatid na may kimkim na sama umano ng loob ang biktima sa kanyang ate na si MyÂlene dahil umano palagi umanong nakalalamang sa kanilang pamilya.