Manugang tinodas ng biyenan

MANILA, Philippines - Patuloy ang imbestigasyon ng pulisya kung ano ang ugat kung bakit pinagbabaril hanggang sa mapatay ng isang 53-anyos na lalaki ang kanyang manugang kamakalawa ng gabi sa Caloocan City.

Ang biktima na nalagutan ng hininga habang nilalapatan ng lunas sa Manila Central University (MCU) Hospital ay kinilalang si John Paul Hernandez, 29, 10th Street kanto ng 11th Avenue, Gracepark, ng naturang lungsod.

Ang suspek na sumuko sa pulisya ay kinilalang si Wilfredo Garcia, 53, residente rin ng naturang lugar.

 Sa ulat, nakatambay sa naturang lugar ang biktima dakong alas-10:15 ng gabi nang galit na dumating si Garcia na armado ng isang kalibre .38 baril at walang sabi-sabing pinagbabaril ang manugang.