Mister, inutas ng live-in partner

MANILA, Philippines - Utas ang isang mister makaraang pagsasaksakin ng kanyang live-in partner sa Navotas City, kamakalawa ng gabi.

Hindi na umabot ng buhay sa Tondo Medical Center makaraang maubusan ng dugo ang 34-anyos na si Sherwin Escarlan, ng Catleya Street, North Bay Boulevard South, matapos na saksakin ng live-in partner nito na si Janelyn Legaspi, 33-anyos.

 Sa ulat ng pulisya, nagtalo ang mag-live-in dakong alas-5:00 kamakalawa ng hapon sa loob ng kanilang bahay hanggang sa makakuha ng patalim ang babae at saksakin sa binti si Escarlan. 

Bagama’t malayo sa bituka ang mga tinamong saksak, natagalan naman bago naisugod si Escarlan sa pagamutan kaya nalagutan ito ng hininga dahil sa pagkaubos ng dugo.

 Agad naman nadakip ng mga awtoridad ang suspek na ngayon ay nakakulong na sa Navotas police.