Mga pulis bawal munang magbakasyon

MANILA, Philippines - Nagpalabas ng direktiba si PNP Chief Director Alan Purisima na nagbabawal sa lahat ng mga pulis na magbakasyon ngayong Semana Santa upang mapangalagaan ang seguridad ng mamamayan  sa paggunita sa kuwaresma.

Ito ang iniulat ni Chief Supt. Reuben Theodore Sindac, hepe ng PNP Public Information Office at magtatagal ang ‘no leave policy’ ng PNP hangga’t hindi natatapos ang ‘holy week observance’.

Alinsunod sa kautusan ay mahigpit na babantayan ang mga lugar na dinarayo ng mga tao lalo na ng mga deboto sa  panahon ng pagtitika kabilang na ang mga dinarayong simbahan para sa ‘Visita Iglesia’.

Patuloy ang ‘heightened alert status’ ng puwersa ng National Capital Region Police Office (NCRPO) ngayong kuwaresma at sa buong panahon ng ‘summer vacation’.