MANILA, Philippines - Apat na lalaki ang inaresto matapos na mahuli sa aktong nagsusugal sa pamamagitan ng “derby†ng mga gagamba, kamakalawa ng hapon sa Navotas City.
Ang mga nadakip ay kinilalang sina Cristopher Ocampo, 40, ng Roldan St.; Anthony Reyes, 24, ng Cabrera St.; Ariel Faustino, 47, ng Cabrera St., pawang ng Brgy. San Roque, Navotas; at Rey Mikael Caranglan, 27 ng M. Naval St., Brgy. San Jose ng naturang lungsod.
Sa ulat, dakong alas-4:10 ng hapon nang makatanggap ng tawag sa telepono ang Navotas City Police ukol sa nagaganap na iligal na sugal ng gagamba sa may Cabrera st., Brgy. San Roque.
Inabutan ng mga pulis sa lugar ang isang grupo ng mga lalaki na nagkakagulo sa isang laban ng mga gagamba kaya’t agad pinagdadampot ang apat na suspek at nakuha sa lugar ang P300 bahagi ng perang pusta, 10 mga gagamba na pinaglalaban, at mga paraphernalia.