MANILA, Philippines - Nadakip ng mga miÂyembro ng Manila Police District-Station 11 ang dalawang Tsinoy matapos makuha sa dala nilang mga maleta ang may 10-kilo ng shabu kahapon ng umaga sa Binondo, Maynila.
Ang mga suspek ay kinilalang sina John Chua Sy, ng no.168 Cordero st., Valenzuela City at Anthony Ang Sy, ng no. 195 P.Sevilla St., 8th Avenue,Caloocan City.
Sa ulat, dakong alas-5:00 ng umaga nang masita ang dalawang suspek nina PO2 Francisco Manago at PO2 Richard Sibayan dahil sa akto ng paninigarilyo ng marijuana sa isang eskinita malapit sa presinto matapos i-tip ng mga residente.
Nang rekisahin ang kanilang dalang mga maleta ay tumambad sa mga otoridad ang mga nakasilid sa plastic nakabalot pa sa foil at packaging tape na pinaniwalaang shabu, na tig-5 kilo ang laman ng bawat maleta.
Nakumpiska din ang ilang marijuana sticks na personal na ginagamit ng mga suspek.