MANILA, Philippines - Namatay noon din ang isang sekyu matapos na aksidenteng pumutok ang pinaglalaruang baril na naganap kamakalawa sa East Bajac-Bajac, Olongapo City.
Ang biktima na nasawi dahil sa pagtama ng bala sa leeg na tumagos sa kanyang ulo ay kinilalang si Richard Corpido, 40, ng Barangay Gordon Heights, ng lungsod.
Sa salaysay sa pulisya ng isang saksi, dakong ala-1:10 ng tanghali ay nakita niya ang biktima na pinaglalaruan ang service firearm na kalibre 38 habang naka-duty sa harap ng Choas Grocery sa nasabing lugar.
Pabirong nitong itinutok ng biktima ang baril sa leeg habang nagpapakitang gilas sa mga nagtitinda sa labas ng grocery nang aksidenteng nakalabit ang gatilyo at pumutok na kanyang ikinasawi.