Tatakbong presidente, bise at cong... dapat college graduate! - Miriam

MANILA, Philippines - Dapat ay taasan ang kuwalipikasyon ng mga nagnanais maging pangulo ng bansa.

Ito ang iginiit kaha­pon ni Senator Miriam Defensor-Santiago at pinuna na mas mataas pa ang kuwalipikasyon ng mga nagnanais maging miyembro ng Philippine National Police.

Ayon kay Santiago kung aamiyendahan ang Konstitusyon, dapat isama sa mga babaguhin ang kuwalipikasyon para sa mga nagnanais ma­ging pangulo ng bansa na kasalukuyan ay wala man lamang educational qualifications kaya pati mga “idiots” ay maaaring kumandidatong pangulo.

“I want to go on to the qualifications for persons who are running for president  of the Philippiness. Right now, there is even no educational qualifications,” sabi ni Santiago.

“Right now in our statute books, people who apply to become policemen must be at least college graduates. There is no such provision for a presidential candidate so any idiot can run for president and possible poll a certain number of votes among his fellow idiots so we should make it of record that the Constitution should require the candidate to be at least candidate for national office,” sabi ni Santiago.

Bukod pa sa pagka-pangulo ay dapat na rin isama ang kuwalipikasyon ng mga nagnanais maging vice president at mga representatives ay tapos ng kolehiyo.