MANILA, Philippines - Nasugatan ang may 31 miyembro ng PNP- Special Action Force (PNP-SAF) makaraang aksidenteng bumaliktad ang sinasakyan nilang truck habang binabagtas ang kahabaan ng national highway ng Poblacion, Kiamba, Saranggani kahapon ng madaling-araw.
Sa ulat, bandang alas-2:50 ng madaling-araw ay lulan ang 36 SAF personnel sa isang kulay puting Mitsubishi Elf truck (SFV-497 ) na minamaneho ni PO3 Clemente Daligdig habang patungong Palimbang.
Nawalan umano ng kontrol sa manibela ang driver kaya’t nagpagewang-gewang ito hanggang sa tuluyang bumaliktad.
Patuloy ang imbestigasyon ng mga otoridad sa nasabing sakuna.