MANILA, Philippines - Nagawang matakasan ng isang engineering student na anak ng mayamang Chinese ang kanyang abductors matapos ang isang araw na pagkaÂkabihag nang tumalon ito sa talampas sa Diplahan, Zamboanga Sibugay kamakalawa.
Ang nasabing kidnap victim ay si Stephen Tan, 19 na kinidnap ng mga armadong kalalakihan at puwersahang isinakay sa isang kulay abong Ford (KGS-123) sa Brgy. Gatas, Pagadian City noong Pebrero 27 ng gabi.
Sa pahayag ng biktima na piniringan siya ng mga kidnaper at pinaglakad ng malayo at nang makasilip ng pagkakataon ay tinanggal niya ito saka tumalon sa isang matarik na bundok na ang babagsakan ay ilog.
Hinabol ng mga kidnaper ang biktima, subalit nagawa nitong makapagtago sa madamong bahagi sa lugar at ng wala na ang mga suspek ay doon na ito lumabas saka naglakad.
Nagawa namang makahingi ng tulong ang biktima sa bahay na nakita nito sa lugar na tumawag sa mga otoridad at sa alkalde ng Diplahan, Zamboanga Sibugay.