MANILA, Philippines - Dead-on-the-spot ang isang 51-anyos na jeepney driver nang ito ay barilin sa ulo ng kanyang pasahero habang bumaÂbagtas sa kahabaan ng Paliparan-Molino Road, Brgy. Salawag, Dasmariñas City, Cavite.
Ang nasawi ay kinilalang si Leonito Arciaga, may asawa , driver, residente ng Molino 2, Bacoor City, Cavite.
Batay sa ulat, dakong alas-3:00 ng hapon ay minamaneho ng biktima ang kanyang pampasaherong jeep (NXT-906) at pasahero nito ang suspek.
Habang binabagtas ang kahabaan ng nasabing lugar ay lumapit ang suspek sa likuran ng biktima at walang sabi-sabing binaril sa ulo at pagkatapos ay mabilis na bumaba ng jeep.
Malaki ang hinala ng pulisya na may nakaaway ang biktima at niresbakan lang ito.