MANILA, Philippines - Natangay ang nasa P300,000 cash ng mga hindi pa kilalang holdaper na nangholdap sa isang sangay ng LBC sa Bayugan City, Agusan del Sur kamakalawa.
Sa imbestigasyon, dakong alas-3:10 ng hapon nang holdapin ang LBC na matatagpuan sa kahabaan ng Rotonda, Brgy. Poblacion, Bayugan City.
Nabatid na nagpanggap na mga kustomer ang mga suspek nang pumasok sa nasabing establisyemento at ilang sandali ay nagdeklara ng holdap habang dalawa pa sa mga ito ay nagsilbi namang lookout sa entrance at maging sa labas ng nasabing establisyemento.
Tinutukan ng baril ng isa sa mga suspek ang kahera na iniutos na ilagay ang pera sa bag saka mabilis ang mga itong nagsitakas lulan ng motorsiklo patungo sa hindi pa malamang destinasyon.