MANILA, Philippines - Hindi na umabot ng buhay sa ospital ang isang 32-anyos na driÂver nang sumalpok ang minamaneho nitong pick up van sa nakaparadang back- hoe kamakalawa sa Las Piñas City.
Ang nasawi dahil sa matinÂding pinsala sa ulo at katawan ay kinilaÂlang si Cris Monfonvanua, ng no. 19 Bible Street, Karuhatan,Valenzuela City.
Batay sa ulat, dakong alas-5:30 ng hapon ay minamaneho ng biktima ang pick-up van (WAT 517) kasama ang isang Joel Pascua, 41-anyos, nang hindi mapansin ang kalawit na parte ng backhoe machine na nakaparada sa tapat ng isang construction site sa Alabang-Zapote Road sa Brgy. Talon 1.
Sa lakas nang pagkakasalpok ay nawasak ang unahan ng pick-up van at napuruhan si Monfonvanua sa mukha.
Nasugatan rin si Pascua na nagawang makatalon sa sasakÂyan.
Natagalan bago natanggal sa loob ng sasakyan ang biktima nang maipit ang katawan nito sa nayuping bahagi ng van.