9 nalason sa litson baboy

MANILA, Philippines - Isinugod sa pagamutan ang 9 katao mula sa dalawang pamilya matapos na malason sa kinaing litsong baboy sa Brgy. Pajo, Pototan, Iloilo.

Ang mga biktima ay nakaranas ng matinding pananakit ng tiyan, ulo, pagsusuka at grabeng pagdudumi bunsod upang isugod ang mga ito sa pagamutan nitong linggo.

Ang kinaing lechon ng dalawang pamilya kamakalawa ay natira pa umano noong Undas na iniulam muli ng mga ito  at iba pang uri ng pagkain.

Matapos makain ang nasabing lechon ay nagsimula nang sumama ang pakiramdam ng nasabing mga biktima bunsod upang isugod ang mga ito sa pagamutan.