Rider lasog sa steel plates

MANILA, Philippines -Lasog ang katawan ng isang 38-anyos na lalaki matapos na bagsakan ng mga steel plates na karga ng isang 6-wheeler truck na tumagilid kahapon ng umaga sa San Andres, Maynila.

Ang biktima na namatay noon din ay nakilalang si Manolito Tupaz, 38,  ng no. 2175 Road 12, Fabie Estate, Sta. Ana,
May­nila habang nilalapatan ng lunas ang backrider na si Ronald Cestuto sa Ospital ng Maynila.

Ang suspek na sumuko ay nakilalang si Alex  Damaso, 49, ng Waling-wa­ling St., Caloocan City, driver ng Isuzu Elf
(TDT-721).

Sa ulat, dakong  alas-10:20 ng umaga na­ga­nap ang  insidente sa intersection ng Osmena Highway at San Andres, Maynila.

Nabatid na galing sa south ang kulay asul na Isuzu Elf nang ma­wa­lan umano ng preno kaya’t kinabig ito paka­li­­wang direksiyon ni Da­maso na eksaktong naka-red light na, suba­lit tumagilid ang truck na bunga ng mabigat na
kar­gamentong bakal ay dumausdos pabagsak sa ka­tabing motorsiklo ni Tupaz.