MANILA, Philippines - Utas ang maglive-in makaraang ambusin ng hindi pa nakikilalang mga suspek habang ang dalawa kasama ang kanilang anak na babae ay sakay ng kanilang motorsiklo sa Tondo, Maynila, kamakalawa ng gabi.
Ang biktimang si Edgardo Torres, 47, sidecar operator at live-in partner nito na si Paula Mariz Uy, residente ng #258 Cristobal St., Tondo, Maynila ay perehong idineklarang dead on arrival sa Mary Johnston Hospital.
Wala namang sugat o galos na natamo ang kanilang apat na taong gulang anak na babae na kaangkas nila sa motorsiklo.
Sa ulat ni PO3 Lester Evangelista ng Manila Police District-Homicide Section, sakay ang mga biktima at kanilang anak ng kulay asul na motorsiklo (Yamaha 8984 TI) na bumabaybay sa Sta. Maria St. dakong alas-7:30 ng gabi nang ambusin sila ng dalawang suspek na sakay din ng motorsiklo.
Nagtamo ng dalawang tama ng bala sa kaliwang pisngi si Torres habang sa kaliwang kili-kili naman nabaril si Uy.
InaÂalam pa ang motibo at pagkakakilanlan ng mga suspek.