Sinuwag ng truck… Joy ride: 3 dalagita todas, 1 kritikal
MANILA, Philippines - Apat na dalagita na sakay ng isang motorsiklo ang sinalpok ng kasalubong na truck sa highway ng San Luis, Aurora na ikinasawi ng tatlo habang kritikal ang isa naganap kamakalawa.
Nasawi noon din sina Novelyn Budoy, 17; Kathlyn Sagala, 17 at Kimberly Abriam, 15. Habang nasa malubhang kalagayan si Norie Anne Budoy, 15.
Batay sa ulat, dakong alas-12:00 ng tanghali ay magkakaangkas ang mga biktima sa motorsiklo at binabaybay ang nasabing highway patungo sa kapitolyo ng Baler, Aurora.
Mabilis umano ang takbo ng motorsiklo at hindi napansin ang kasalubong na truck na minamaneho ni Dionisio Rebolido, 47-anyos.
Nabigo umanong iwaÂsan ni Rebolido, ang motorsiklo ng mga biktima at sa bilis ng pangyayari ay tuluy-tuloy itong nasalÂpok.
Nagtalsikan ang mga biktima sa lakas ng pagkakasalpok sa kanila na agad ikinasawi ng tatlo.
Ang suspek ay nakapiit sa detention cell ng San Luis Police at nahaharap sa reckless imprudence resulting to 3 counts of homicide at physical injury.
- Latest
