Road rage: 1 todas

MANILA, Philippines - Isang 30-anyos na lalaki na sakay ng motorsiklo ang nasawi matapos na siya ay pagbabarilin ng hindi pa kilalang lalaki na nakaaway nito sa kalsada kamakalawa sa Tanzang Luma 5, Imus City, Cavite.

Ang nasawi ay nakila­lang si Jemson Dela Cruz, residente ng Brgy. Cal­sadang Bago dahil sa tama ng bala sa katawan.

Batay sa ulat, ganap na alas-3:00 ng hapon ay minamaneho ng biktima ang kanyang motorsiklo at bumabagtas sa nasabing highway nang maka­gitgitan ang isang hindi pa batid na sasakyan na minamaneho ng suspek.

Nagkaroon ng pagta­talo ang dalawa hanggang sa bumunot ng baril ang suspek at binaril sa ulo ang biktima.

Nang duguang bumagsak ang biktima ay mabilis na tumakas ang suspek.