MANILA, Philippines - Hindi nakatulong ang suot na crash helmet ng isang motorcycle rider matapos na siya ay magulungan ng isang pampasaherong bus na nakasagi sa kanya kahapon ng umaga sa Roxas Boulevard, Pasay City.
Ang nasawi ay kinilaÂlang si Reynaldo Inoc, 24-anyos, ng 3710 Mabini St., Don Galo, Parañaque City.
Ang suspek na nasa kustodya ng pulisya ay nakilalang si Federico Bartolome Jr., 50-anyos, driver ng Malanday Metro Link Bus (TWR-315) na kinasuhan ng reckless imprudence resulting to homicide.
Batay sa ulat, dakong alas-7:20 ng umaga sa kaÂhabaan ng Roxas Boulevard ay tinangka umanong mag-overtake ni Inoc luÂlan ng hindi nailarawang motorsiklo nang biglang kumabig umano ang bus at nasagi ang biktima.
Pumailalim ang biktiÂma at nagulungan ang ulo sanhi ng kanyang agad na pagkasawi.
Depensa naman ni Bartolome, hindi umano niya nasagi ang motor ni Inoc, mag-isang sumemplang kaya ito tumilapon at mapailalim sa bus.