4 Bata dedo sa sagasa

MANILA, Philippine s- Namatay noon din ang apat na batang mag-aaral sa elementarya habang tatlo ang grabeng nasuga­tan matapos na masaga­saan ng service vehicle ng Biliran Electric Coope­rative habang naglalaro sa harapan ng isang state uni­versity sa lalawigan ng Leyte kamakalawa ng gabi.

Ang mga nasawi ay kinilalang sina Marvic Joefe, 9 at kapatid nitong si Florence Garis 7; Glori Jane, 12 at kapatid nitong si Maria Rosi Ba­calla.

Nasugatan at dinala sa Eastern Visayas Regio­nal Medical Center sa Tacloban City ang mga biktima na kinilalang sina Jennel Napoles, 7; Jea at Cristine Bacalla.

Batay sa ulat, bandang alas-7:30 ng gabi ay kasalukuyang naglalaro ang mga bata sa harapan ng Naval State University na matatagpuan sa highway ng Brgy. San Isidro.

Dito ay mabilis na tu­matakbo ang service vehicle ng Biliran Electric Cooperative na minamaneho ni Poncio Balutan at umano ay nawalan ng control sa manibela kaya’t tuluy-tuloy na sinagasaan ang mga paslit  na agarang ikinasawi ng apat.

Kusang loob na sumuko ang driver sa pulisya na kasalukuyang humihimas ng rehas na bakal.