Pedicab driver pinatay ng inampon
MANILA, Philippines - Bala sa ulo ang naÂging gantimpala ng isang 40-anyos na pedicab driÂver nang siya ay barilin ng inampon na lalaki na kanyang pinatira, pinakain sa kanilang bahay sa Tondo, Maynila kahapon ng madaling araw.
Hindi na umabot ng buhay sa Gat Andres BoÂnifacio Memorial Medical Center (GABMMC) ang biktimang si Federico Malonzo, residente ng no. 325 Mabuhay St., Tondo.
Tumakas naman ang suspek na si alyas “Butchoy†matapos ang pamamaril.
Batay sa ulat, dakong alas-5:30 ng umaga habang nagkakape ang biktima sa kanto ng St. James at Mabuhay Sts. ay binulaga siya ng suspek at agad na pinaputukan sa ulo.
Sa salaysay ng kapatid ng biktima sa pulisya, nagkainitan ang suspek at lover ng biktima na si Rosalyn Rodriguez dahil sa pagbubunganga umano ng huli hinggil sa dagdag gastos nila sa pagpapaÂkain sa suspek matapos na ampunin ng biktima.
Humingi pa umano ng pasensiya ang biktima sa suspek na huwag nang patulan ang kaniyang live-in partner, subalit naging dahilan pa ito ng pagtatalo ng suspek at biktima na nauwi sa suntukan hanggang sa lumayas na ang suspek na balak palang paghigantihan ang biktima.
- Latest
