Ginang utas sa SLEX, 2 lalaki sa NLEX

MANILA, Philippines -Hindi na umabot ng buhay sa ospital ang 58-anyos na si Maria The­resa Luz ng Forbes Park, Makati City dahil sa tina­mong internal inju­ries habang ang driver nitong si David Erosel ay nasugatan matapos bu­maliktad ang  kanilang Mazda 3 (TQY-178) sa South Luzon Expressway (SLEX) malapit sa Sucat Exit sa Parañaque City kamakalawa ng alas-11:08 ng gabi.

Batay sa ulat, bumang­ga sa gutter ang gulong ng itim na Mazda 3 na mi­namaneho ni Erosel hanggang sa mawalan ng kontrol at bumaliktad.

Nasawi naman sina Gary Ramos, helper at Nilo Ibayan, 38, pasahero ng Victory Liner bus (CVS-673) habang su­ga­tan ang siyam na ka­tao matapos araruhin ng bus ang dalawang naka­paradang dump truck (UHC-494) sa ka­­habaan ng North Lu­zon Ex­pressway (NL­EX) sa Caloocan City ka­ma­ka­lawa ng gabi.

Batay sa ulat ng Caloo­can City Police, Traffic Bureau, naganap ang in­­si­dente dakong alas-10:30 ng gabi  sa kahabaan ng NLEX ng naturang siyudad.

 Nabatid, na naka­parada ang dalawang dump truck sa naturang lugar, nang araruhin ito ng  bus na minamaneho  ni Amado De Guzman.

Napuruhan si Ra­mos habang inaayos nito ang kahoy na stopper ng na­­­tu­rang dump truck at na­pitpit naman sa loob ng bus si Ibayan.