PDEA papasok sa imbestigasyon ng Caloocan ‘Drug Money’

MANILA, Philippines - Inatasan na ni Philippine Drug Enforcement Agency (PDEA) Director General Arthuro Cacdac Jr. si PDEA NCR Regional Director Willkins Villanueva  at  Intelligence Investigation Service (IIS) Director Randy Pedroso na kumpirmahin ang  naturang balita  at magsagawa ng masusi at agarang imbestigasyon tungkol sa naglabasang ulat  hinggil sa kumakalat na drug money na ginagamit diumano ng ilang pulitiko sa kanilang pa­ngangampanya sa Caloocan.

Ito ang kinumpirma ni PDEA Director Derrick Carreon, Public Information Officer ng PDEA at sinabi na nakarating sa kanilang ahensiya ang liham ni Arturo Magbanua ng grupong United Movement Against  Drugs (Uni-Mad)-Caloocan matapos ibulgar ang pagkakasangkot  umano  ng kumakandidatong Mayor ng Caloocan na si Rep. Oscar “Oca” Malapitan ng UNA at ka tandem nito sa pagka-Vice Ma­yor na si Antonio  â€œNani” Almeda sa isyu  ng mil­yong halaga ng shabu na nakumpiska sa American disc jockey na si Brian Hill sa Makati City nung nakaraang Nobyembre.