MANILA, Philippines - Dedo ang isang lady trader habang kritikal naman ang kasamang lalaki makaraang ambusin at ratratin ng hindi pa nakikilalang mga salarin sa MuntinluÂpa City, kamakalawa ng hapon.
Ang biktima ay nakiÂlalang si Maria Fe BanaÂdera, residente ng Block 18 Lot 56 SPV Central, Phase 3 Molino, Bacoor, Cavite habang inaalam pa ang pagkakakilanlan ng kasamahan nitong lalaki na isinugod sa hindi binanggit na pagamutan.
Sinasabing lulan ang dalawa ng isang bagong Nissan Strada na may conduction sticker na BS 4537 dakong alas-3:00 kamakalawa ng hapon.
Ayon sa report, pagsaÂpit sa Jasmin at Marigold Sts., sa Ruby Park, Victoria Homes, Barangay Tunasan, Muntinlupa City nang tambangan ng hindi nakilalang mga salarin ang dalawang biktima.
Niratrat ng bala ng mga suspek ang sasakyan ng mga biktima saka agad na nagsitakas sakay ng hindi naplakahang sasakyan.
Wala pang makuhang testigo ang mga awtoridad kaya nahihirapan tukuyin kung ilan ang mga salarin.
Nakuha ng mga tauhan ng Scene of the Crime Operatives (SOCO) sa lugar ng pinangyarihan ng krimen ang 22 basyo ng kalibre 45 baril, pitong basyo ng 9mm, dalawang bala ng kalibre 38 na magpapatunay na niratrat ng husto ang mga biktima upang matiyak ang kanilang kamatayan.
Nagsasagawa pa ng masusing imbestigasyon ang mga awtoridad upang mabatid ang motibo ng krimen, matukoy at madakip ang mga taong nasa likod ng pananambang sa mga biktima.