MANILA, Philippines -Nasawi ang isang suspek na kinilalang si Jerry Roy Sabio habang arestado naman ang kasama nito na si Romnick Reyes, 19 na pawang mga akyat-baÂhay gang nang maka-engkwentro ang security guard ng isang subdivision na kanilang papasukin at pagnanakawan kahapon ng madaling-araw sa Dasmariñas City, Cavite.
Batay sa ulat, ganap na alas-3:00 ng madaling-araw nang makaengkwenÂtro ng sekyu na si Romeo Abella, ang tatlong kalalaÂkihan sa gate ng binabantayan nitong Metrogate Subdivision na matatagpuan sa Brgy. Sampaloc 3 ng lungsod.
Sinita ng sekyu ang tatlo at tinanong kung saan pupunta, subalit, isa dito ay agad bumunot ng baril at binaril ang una na hindi tinamaan.
Gumanti ng putok ang sekyu at napatay si Sabio habang nakatakas ang isa at naaresto ang ikalawa sa isang follow-up operation.
Nabatid na ang mga susÂpek ay sangkot sa mga pagnanakaw sa mga subdivision na kung saan ay ginagahasa pa ng mga ito ang mga babae sa bahay na kanilang pinagnaÂnakawan.