MANILA, Philippines -Nakatakdang imbestigahan ng pulisya ang isang mayor na umano ay nagbayad ng Permit to Campaign (PTC) fees sa mga rebeldeng New People’s Army (NPA) kaugnay ng gaganaÂping midterm elections sa Mayo ng taong ito.
Ayon kay Police Regional Office (PRO) 6 Director P/Chief Supt. Agrimero Cruz Jr., saÂkaling mapatunayang may katotohanan ang sinasabing pagbabayad ng PTC fees sa NPA ni Bingawan, Iloilo Mayor Matt Palabrica ay mahaharap ito sa kasong kriminal at administratibo.
“Labag po sa batas ang maging kasabwat sa extortion na isinasagawa ng mga rebelde,†pahayag ni Cruz.
Nabatid na isang miÂyembro ng media sa Western Visayas ang nagreport na si Palabrica ang kauna-unahang opisÂyal na nakatanggap ng PTC demand letter ng NPA sa Region VI na nagbayad umano sa extortion ng mga rebelde sa mga kandidato.
Sinasabing hindi umano nabigyan ng police security escort si Palabrica kaya sinamantala ng mga rebelde upang puwersahin itong magbayad ng PTC fees.
Ayon naman kay Cruz, taliwas sa mga espekulasyon ng kampo at mga supporter ni Palabrica ay walang ‘special treatment’ sa mga pulitikong kandidato na humihingi ng security escort sa PNP.
Nilinaw rin ni Cruz na wala siyang natatanggap na request mula sa nasabing alkalde sa paghingi nito ng security escort.