MANILA, Philippines - Pinalaya na ng mga banÂdidong Abu Sayyaf Group (ASG) ang isang dayuhan na mahigit isang taon na nilang bihag sa Pagadian City, Zamboanga del Sur nitong Sabado ng madaling-araw.
Sinabi ni PNP Spokesman Chief Supt. Generoso Cerbo Jr., dakong alas-1:10 ng madaling-araw ng pakawalan ng mga kidnappers ang bihag na dayuhang si Warren RiÂchard Rodwell, 54 anyos, Australian national.
Ayon kay Cerbo, si RodÂwell ay nakitang pagod na pagod na naglalaÂkad at inihatid ito sa himÂpilan ng 903rd Maritime Police Station bago itiÂnurnover kay Supt. Julius Muñez, hepe ng Pagadian City Police.
Si Rodwell ay binihag ng ASG na pinamumunuan ni Commander Furuji Indama na nakabase sa Basilan noong Disyembre 5, 2011 sa Green MeaÂdows Subdivision sa Ipil, Zamboanga Sibugay.
Sinasabing pumayat ng husto ang dayuhan dahil mahigit sa isang taong hawak siya ng mga bandido.
Hindi pa makumpirma ng mga awtoridad kung may kapalit na ransom ang pagpapalaya kay Rodwell matapos na una ng humiÂngi ng $2-M ng mga kidnappers nito kapalit ng kanyang kalayaan.