MANILA, Philippines - Huli ang limang katao at nabawi ang kalahating truck ng idedeliber na softdrinks at mineral water sa FB Harrison St., sa Pasay City, kamakalawa ng hapon.
Sa ulat ni Senior Insp.Rizalino Ibay, hepe ng MPD-ANCAR, nadakip ang mga hijacker sa isinagawang follow-up opeÂraÂtion na kinilalang sina Richard Pleno-Udan ng Phase 2, Block 2, Lot 18, Bagong Silang, Caloocan City, driver at pahinante nitong si Erwin Duran, ng President Quirino Avenue, PandaÂcan, Maynila, Delfin Hifarva, negosyante ng FB Harrison, Pasay City; SaÂmuel Angconombe at Arjay Almadra na hinuli naman dahil sa pagbili ng mga nakaw na produkto.
Nabatid na naghain ng sumbong at reklamo ang negosyanteng si Louie Maglalang kaugnay sa pagÂkawala ng delivery truck nito na may plakang NRI-649 na may kargang softdrinks noon Pebrero 22, 2013, dakong alas-6:00 ng umaga, na ipinarada sa tapat ng kanilang establisyemento sa Mendiola ExÂtension, Pandacan, Maynila.
Agad namang nagsaÂgawa ng follow-up opeÂraÂtion ang mga awtoridad na nagresulta ng pagkaÂkabawi ng sasakyan at natitira pang produkto.