MANILA, Philippines - Pinagbabaril ng dalawang lalaki na sakay ng isang motorsiklo ang isang 64-anyos na lalaki na may-ari ng security agency kamakalawa ng gabi sa Quezon City.
Nasawi noon din ang biktima dahil sa tama ng bala sa ulo at katawan na si Willard Agaloos, may-ari ng Pax Urbis Security Agency.
Batay sa ulat, dakong alas-11:25 ng gabi ay nakarinig ng mga putok ng baril ang testigong si Daisy Flores at tatlong kaibigan habang naglaÂlakad sila sa Ilang-ilang St., kanto ng Lily St., Maligaya Park, Brgy. Pasong Putik.
Nakita nila ang dalawang lalaki na mabilis na tumakas sakay ng motorsiklo at iniwan ang biktima na nakahandusay sa lugar.
Agad na ipinagbigay alam ng mga nakasaksi ang insidente sa may opisÂyales ng barangay sa lugar na siyang tumawag naman ng pulisya para sa pagsisiyasat.
Malaki ang hinala ng pamilya ng biktima na mga dating trahabador na sinibak umano nito sa trabaho ang posibleng may kagagawan ng pagpatay.