MANILA, Philippines - Nabawi ng mga awtoridad ang nakaw na Uniliver products mula sa limang empleyado ng kumpanya na dinakip makaraang mabuko ang umano’y sabwatan nila.
Sa reklamo sa tangapan ni Senior Insp. Salvador Tongdol, hepe ng MPD-TRS, ang tinatayang P300-libong halaga ng Uniliver products ay nawawala bilang bahagi ng P4-milyong produkto sa Acro Team Inc. na pag-aari ng negosyanteng si Maria Rosario Benigna Tumacder, 65, may-ari ng Acro Team, Inc. na matatagpuan sa no. 22 East Service Road, Cupang, Muntinlupa City.
Hinihinalang mula pa noong Nobyembre 2012 ay nagsimula umano sa pangungupit ang mga empleyado, na kinabibilangan nina John Warly Lozanes; Charry Galvo, 45; Renato Vertulfo, 31; Julhanni Mohammad, 36 at Albert Reforne, 30.
Hinahanap pa ang isa pang kaÂsabwat na nagsisilbing pahinante na si Guillermo Penales.
Sasampahan ng qualified theft ang matutukoy na may kinalaman sa nakawan habang ang mapapatunayang pinagbentahan ng ilang nawawalang produkto ay kakasuhan ng anti-fencing.