Lover niratrat, 1 utas

MANILA, Philippines - Isang maglive-in partner ang pinagbabaril habang nakaupo sa tapat ng kanilang bahay ng dalawang salarin kamakalawa sa Malabon City.

Hindi na umabot ng buhay sa Pagamutan Ba­yan ng Malabon (PBM) sanhi ng tama ng bala ng .45 baril sa ulo ang biktimang si Rodrigo Clemente, 21-anyos, residente ng Magsaysay St., Barangay San Agustin ng nasabing lungsod. Habang nasugatan at ginagamot sa nasabi rin ospital ang lover nitong si Margerie Gavino, 20-anyos, sanhi ng tama bala sa braso.

Batay sa ulat, dakong alas-5:00 ng hapon ay nakaupo sa tapat ng kanilang bahay ang mga biktima nang dumating ang dalawang lalaki at  walang salitang pinagbabaril ang mga ito at pagkatapos ay tumakas.