Prepaid na kuryente kontra sa manggagawa at mahihirap

MANILA, Philippines - Paglabag umano sa karapatan ng tao na ma­mu­­hay ng disente at  hindi makatarungan ang panu­kalang prepaid sa kur­yente.

Ayon kay Gerard  Seno, Sec. Gen. ng Trade Union Congress of the Phi­lip­pines (TUCP) ang pla­nong prepaid bill na nais ipatupad sa pagbaba­yad sa nakunsumong  kuryente  ay magtataas  lamang ng profits  distribution utilities  at magdadala  ng  pahirap na babalikatin ng mga manggagawa.

Sinabi rin ni Wilson For­taleza ng Kampanya  para sa Makataong Pamumuhay (KAMP) magdadala lamang ng iba­yong paghihirap sa mga ma­mamayan ang panukalang prepaid bill na nais  ipatupad dahil tiyak na dagdag-pahirap  ito.

Pinangangambahan din ng naturang  grupo ang nakaambang  39  sentimos na dagdag bayad  sa kuryente  ngayong 2013  para  matugunan  ang  stranded component ng universal charges.