Turn over of command sa liderato ng AFP nahaluan ng komedya

MANILA, Philippines - Nahaluan ng katata­wanan ang naganap na turn over of command sa liderato ng Armed For­ces of the Philippines (AFP) kung saan ay na-wow mali si outgoing AFP chief Jesse Dellosa nang tawagin nitong Pa­quito Diaz si Executive Secretary Pacquito Ochoa Jr. sa kabila na may handa itong speech.

Nagtawanan ang mga dignitaries sa stage sa Camp Aguinaldo kabi­lang sina Pangulong Be­nigno Aquino III at Executive Secretary Pac­quito Ochoa Jr.

Nang maramdaman ni Dellosa na mali ang kan­yang nasabi ay biglang nasabi na lamang nito na “mali ata”.

Nagretiro na si Dellosa matapos na abutin nito ang mandatory retirement age na 56 at ang pumalit naman sa kanya ay si in­co­ming AFP chief Lt. Gen. Emmanuel Bautista na commanding general ng Philippine Army (PA).

Pinagkalooban na­man ni Pangulong Aqui­no ng Legion of Honor award si Dellosa at uma­asa na sa ilalim ng li­de­rato ni Bautista ay la­­long mananatili ang dig­ni­dad at dedikasyon sa pag­si­silbi sa taumbayan ang mga sundalo upang ma­­ka­­mit ang minimithing ka­payapaan.