MANILA, Philippines - Namatay habang nilalapatan ng lunas sa ospital ang isang 9-anÂyos na batang babae matapos na mabagsakan ito ng bubong ng waiting shed habang nakikipaglaro sa kanyang mga kaklase sa Pasig City, kamakalawa ng alas-5:00 ng hapon.
Ang nasawi ay kinilalang si Jessabelle HoÂmerez, 9, grade 1 student at residente ng #1469 Santan St., Ismar, Brgy. Kalawaan, Pasig City.
Sa inisyal na imbesÂtigasyon, nabatid na noong nakalipas na buwan ay tinanggal ng mga tauhan ng Department of Public Works and Highways (DPWH) ang bubong ng waiting shed dahil itinaas ang pader ng Pasig River.
Nang muli umanong ilagay ang bubong ng waiting shed ay itinali lamang ng alambre kaya ito bumigay nang maglaro sa lugar ang mga bata.
Masusing imbestigasyon ang isinasagawa ng pulisya upang matukoy kung sino ang dapat managot sa pagkamatay ng bata.