MANILA, Philippines - Iniulat kahapon ng pamunuan National Disaster Risk Reduction and Management Council (NDRRMC) na lumobo na sa bilang na 20 ang mga nasawi sa bagyong Quinta habang ang nasirang ari-arian ay umabot na sa P224.915 milyon.
Ayon sa NDRRMC, ang huling biktima ay mula sa Western Visayas at kinilala ang mga ito na sina Benedicto Castor, 72; Jezel Superio, 2; Nilo Icawalo, 54, Romeo Idorita, 63; Jaymar Egamino, 16; Joel Jimenea, 37; Edwin Farinas, 46; at Osot Sabdane, 40.
Umabot sa 50,291 pamilya o 241,693 na individual sa may 557 barangay sa 60 bayan at walong siyudad sa siyam na probinsya ang naapektuhan ni Quinta.
Kabuuan pang 4,290 pamilya o 23,337 tao ang nananatili sa 60 evacuation centers.