Caloocan public hospital handa na sa magiging biktima ng paputok

MANILA, Philippines - Handang-handa na ang mga pampublikong pagamutan sa Caloocan City sa mga magiging bik­tima ng paputok at indiscriminate firing sa nalalapit na pagsalubong sa pagpasok ng 2013.

Ito ang tiniyak ni Ca­loocan City Mayor Enrico “Recom” Echiverri dahil  bukod sa mga gamot at kagamitan sa paggamot ay handang-handa na rin ang mga manggagamot na magsakripisyo ng ka­nilang oras sa pananatili sa mga pampublikong pagamutan para lamang makapagsilbi sa mga residenteng mangangaila­ngan ng tulong.

Napag-alaman na bukod sa President Dios­dado Macapagal Memorial Medical Center (PDMMMC) ay magbibigay din ng libreng serbisyo ang Dr. Jose Rodriguez Hospital na matatagpuan sa Tala, Caloocan para sa masasaktan sa pagsalubong sa Bagong Taon.

Nagbabala rin si Mayor Recom sa mga tauhan ng lokal na pulisya na huwag paputukin ang kanilang mga baril sa pagsalubong sa Bagong Taon upang walang masaktan na minsan ay nagiging dahilan din ng pagbubuwis ng buhay.

Sa pamamagitan ng paglalagay ng mas­king tape na may lagda ng ka­nilang opisyal ay malalaman kung sino sa mga tauhan ng lokal na pulis­ya ang nagpaputok ng ka­nilang baril sa pagsalubong sa Bagong Taon.