Ex-cop dedo sa ambush
MANILA, Philippines - Dedo ang isang reteradong pulis makaraang tambangan ng dalawang hinihinalang ‘hired killers’ sa Brgy. Tonga, Balub, Masbate, kamakalawa ng hapon.
Dead-on-the-spot ang biktimang si ret. Chief Insp. Vicente Aragona, nasa hustong gulang, residente ng Brgy. Tonga sa nasabing lugar, bunsod ng mga tinamong maraming tama ng bala sa ibat-ibang bahagi ng katawan.
Ayon kay Police Regional Office (PRO) V Spokesman Supt. Renato Bataller, naganap ang krimen dakong ala-1:30 ng hapon habang ang biktima ay lulan ng motorsiklo.
Sinasabing galing sa Brgy. Pajo at patungo sa Poblacion ang biktima nang siya ay harangin at pagbabarilin ng mga suspek.
Motibong political ang isa sa tinitingnan na ugat ng krimen dahil ang biktima ay kandidatong konsehal sa bayan ng Balub, Masbate.
- Latest
