MANILA, Philippines - Nagtaas uli ng presyo ng petrolyo ang mga kumpanya ng langis kahapon ng umaga upang salaminin ang galaw ng presyo nito sa internasyunal na merkado.
Sa advisory ng Seaoil at Phoenix Petroleum, dakong alas-6:00 ng umaga nang magtaas sila ng P.70 kada litro sa diesel, P.60 kada litro sa premium at unleaded gasoline at P.50 kada litro ng kerosene.
Sumabay rin dito ang Petron at Total Philippines na nagpatupad rin ng kahalintulad na halaga ng pagtataas sa parehong mga produkto.
Nagtaas naman ang Pilipinas Shell ng P.70 sa diesel, P.60 sa unleaded gasoline at P.50 sa kerosene habang walang paggalaw sa presyo ng kanilang premium gasoline.
Noong Nobyembre 20, unang nagpatupad ng dagdag-presyo ang mga kumpanya ng langis.