Mega Job Fair sa kaarawan ni Recom
MANILA, Philippines - Magsasagawa ng mega job fair si Caloocan City Mayor Enrico “Recom” Echiverri bilang kanyang regalo sa pagseselebra ng kanyang kaarawan upang matulungan ang mga residenteng naghahanap na trabaho.
Sa darating na November 16 (Biyernes) ay magsasagawa ng mega job fair sa harapan ng city hall main na matatagpuan sa A. Mabini St. na sisimulan dakong alas 8:00 ng umaga at magtatapos bandang alas 4:00 ng hapon.
Sa darating namang November 28 (Miyerkules) ay magkakaroon din ng mega job fair sa city hall annex na matatagpuan sa Zapote Road, Camarin II na sisimulan at matatapos din sa parehas na oras.
Hinikayat din ni Mayor Recom ang mga residenteng naghahanap ng mapapasukang trabaho na dumalo sa gaganaping mega job fair dahil sa pamamagitan nito ay hindi na kinakailangang magtungo ang mga aplikante sa malalayong lugar para lamang makakuha ng kanilang ikabubuhay.
- Latest
