Karerista abangers sa 4YO Imported/Local Challenge
MANILA, Philippines — Inaasahang puspusan na ang paghahanda ng mga trainers at maging ang mga hinete sa kanilang pangarerang kabayo para sa lalahukang 2025 ‘4-Year-Old & Above Imported/Local Challenge Series 2’ na ilalarga sa Marso 2 sa Metro Turf, Malvar - Tanauan City, Batangas.
Bagama’t wala pang naghayag ng pagsali ay tiyak na marami ang lalahok na mahuhusay na kabayo sa distansyang 1,800 meter race kung saan ay nakalaan ang P500,000 guaranteed prize na ikakalat sa unang anim na kabayong tatawid sa meta.
Hahamigin ng mananalong kabayo ang P300,000, sisikwatin ng pangalawa ang P100,000 habang P50,000, P25,000, P15,000 at P10,000 ang third hanggang sixth placers, ayon sa pagkakasunod.
Sakaling anim na kabayo pababa lamang ang nagpatala ay hanggang fourth place ang premyo, P300,000 pa rin sa mananalo.
Ang nomination ng mga kalahok ay sa Pebrero 17, may bayad itong P2,500 habang sa araw din mismo ang deklarasyon ng mga makikipagtagisan, may fee naman itong P5,000.
Sa Pebrero 27, (Huwebes) ang bolahan para malaman ang kanilang numero pagparada nila sa pista.
- Latest
