Groseclose talsik na sa AWG
MANILA, Philippines — Hindi pinalad si Peter Joseph Groseclose na umabante sa medal round ng Asian Winter Games men’s short track speed skating na ginaganap sa HIC Multifunctional Hall sa Harbin, China.
Naglagak si Groseclose ng 1:28.045 para magkasya lamang sa ikatlong puwesto sa Group 4 ng 1000m quarterfinal round.
Tanging ang dalawang mangungunang koponan lamang sa bawat grupo ang nabiyayaan ng tiket para makapasok sa semifinals.
Ito ang ikatlong event ni Groseclose sa Asian Winter Games.
Samantala, nagposte ng panalo ang Team Philippines sa women’s curling team competition.
Matapos tumulong sa fourth place finish sa mixed doubles event ay bumandera si Kathleen Dubberstein sa tropa sa 7-2 paggupo sa Hong Kong sa Harbin Pingfang Curling Arena.
Sumuporta rin sina Leilani Sumbillo at Sheila Mariano sa paggupo sa Hong Kong.
Blinangka naman ng mga Filipino curlers ang Hong Kong sa 6-0 sa likod nina Anne Bonache at Jennifer dela Fuente.
- Latest
