PORTLAND, Ore. — Bumanat si Shai Gilgeous-Alexander ng 33 points para giyahan ang NBA-leading Oklahoma City Thunder sa 118-108 paggupo sa Trail Blazers.
Nagdagdag si forward Jalen Williams ng 24 points at 8 assists, habang humakot si center Isaiah Hartenstein ng 14 points at 11 rebounds para sa Oklahoma City (37-8).
Nakabawi sila mula sa naunang pagkatalo sa Dallas Mavericks.
Binanderahan ni Deni Avdija ang Portland (17-29) sa kanyang 28 points, 8 assists at 7 rebounds.
Nagtapos ang kanilang four-game winning streak.
Tumipa si Scoot Henderson ng 25 points mula sa bench kasunod ang 24 markers ni Toumani Camara
Nakalapit ang Trail Blazers sa 88-93 matapos ang dalawang free throws ni Anfernee Simons sa huling 2:37 minuto ng fourth quarter matapos mabaon sa isang 15-point deficit sa third period.
Ngunit nagsalpak si Williams ng isang three-pointer para muling ilayo ang Thunder sa 96-88.
Ang isa pang triple ni Alex Caruso ang lalo pang nagpadyak sa 105-90 kalamangan ng Oklahoma City para kumpletuhin ang 15-0 record sa kanilang duwelo ng Portland.
Itinala ng Thunder ang 112-106 kalamangan sa huling 1:49 minuto matapos ang slam dunk ni Hartenstein mula sa assist ni Gilgeous-Alexander.
Sunod na isinalpak ni Gilgeous-Alexander ang isang driving layup para hatakin ang kanilang bentahe sa double digits.
Mula rito ay hiindi na nakalapit ang Portland.