Crossovers diniskaril ang misyon ng Foxies
MANILA, Philippines — Diniskaril ng Chery Tiggo ang misyon ng Farm Fresh matapos kunin ang 21-25, 25-14, 25-17, 25-20 panalo sa 2024-25 Premier Volleyball League (PVL) All-Filipino Conference kahapon sa PhilSports Arena sa Pasig City
Itinaas ng Crossovers ang kanilang baraha sa 5-3 at inihulog ang Foxies sa 3-4 marka.
Pumalo si Cess Robles ng 21 points mula sa 16 attacks, apat na blocks at isang service ace para banderahan ang Chery Tiggo na nagmula sa kabiguan sa Petro Gazz.
Nagdagdag si Ara Galang ng 20 markers kasunod ang 12 points ni Cza Carandang, habang naglista si Alina Bicar ng 15 excellent sets.
Pinamunuan ni Trisha Tubu ang Farm Fresh, bigong maduplika ang naunang panalo sa Nxled, sa kanyang 15 points.
Sa likod nina Tubu at Jolina Dela Cruz ay kinuha ng Foxies ang first set, 25-21, kasunod ang ratsada ng Crossovers sa second at third frame para sa kanilang 2-1 bentahe.
Sa fourth set ay pumalo si Shaya Adorador ng crosscourt attack at ang ace ni Joyme Cagande ang sumelyo sa panalo ng Chery Tiggo.
- Latest
