MANILA, Philippines — Pararangalan ang MVP Group of Companies, National Collegiate Athletic Association (NCAA) at Pilipinas Live sa San Miguel Corporation-Philippine Sportswriters Association (SMC-PSA) Awards Night sa Lunes sa Centennial Hall ng Manila Hotel.
Bibigyan ang MVP Group of Companies ng isang special award bilang pagkilala sa kanilang tulong sa mga Filipino athletes tampok ang makasaysayang dalawang Olympic Games gold medal ni gymnast Carlos Yulo sa Paris.
Sa likod ni businessman at sports patron Manny V. Pangilinan, nanguna sa pagsuporta ang MVP Group of Companies sa training at partisipasyon ng mga national athletes sa French capital, kabilang sina Yulo at Pinay boxers Nesthy Petecio at Aira Villegas na sumuntok ng tig-isang bronze medal.
Pararangalan din ang NCAA ng pinakamatandang media organization sa bansa sa pamamahala ni president Nelson Beltran, ang sports editor ng The Philippine Star, sa traditional awards night na inihahandog ng ArenaPlus, Cignal at MediaQuest.
Gagawaran din ng rekognisyon ang Pilipinas Live.