Kai bumida sa kabiguan ng Alphas
MANILA, Philippines — Hindi maawat si Kai Sotto na matikas ang pagbabalik aksiyon matapos mapatawan ng isang larong suspensiyon.
Bumanat ito ng solidong laro para sa Koshigaya Alphas sa Japan B.League kung saan nagrehistro ang 7-foot-3 Pinoy cager ng 20 points, 4 rebounds, 3 assists at 1 block ngunit kapos pa rin ito para sa panalo.
Lumasap ang Koshigaya ng 84-92 kabiguan sa kamay ng Hannaryz sa Koshigaya City General Gymnasium.
“In terms of content, it was the same as yesterday. We got a little excited at the start of the game, but in the end, we lost momentum because of our turnovers and other things,” wika ni Alphas coach Ryuzo Anzai
Muling bumanat si Sotto ng 18 points at 10 rebounds subalit kulang pa rin ito matapos umani ang Alohas ng 80-96 pagyukod sa ikalawang laro nito kontra sa Hannaryz.
Sa dalawang laro nito ay nagtala si Sotto ng mga averages na 19.0 points at 7.0 rebounds.
Bagsak ang Koshigaya sa 6-18 baraha sa Eastern Conference.
“Kyoto’s substitutions and the high level of each individual’s skills were really great, and I felt that there was a big difference in experience there this weekend,” ani Anzai.
- Latest
