Thunder tinalo ng Bucks para sa NBA cup crown
LAS VEGAS — Humakot si tournament MVP Giannis Antetokounmpo ng triple-double na 26 points, 19 rebounds at 10 assists para banderahan ang Milwaukee Bucks sa 97-81 paggupo sa Oklahoma City Thunder at angkinin ang NBA Cup title.
Nag-ambag si Damian Lillard ng 23 points para sa Bucks na kumonekta ng 17 three-point shots para talunin ang Thunder.
“Everybody did their job,” sabi ni Lillard. “We defended. We played well from the start of the game all the way through the finish. I think it just showed what we’ve been building. I think it all came out in our biggest game to this point.”
Umiskor sina Brook Lopez at Gary Trent Jr. ng tig-13 markers para sa Milwaukee na sinamahan ang Los Angeles Lakers bilang kampeon ng 2-year-old event.
Tumanggap ang mga Bucks players ng premyong $514,971 bawat isa at may $205,988 naman ang mga Thunder players.
Ang pinakawalang 19-5 atake ng tropa ni Antetokounmpo sa second half ang nagpalobo sa kanilang 19-point lead sa kaagahan ng fourth period na hindi na naputol ng Oklahoma City.
“It’s great, it’s great for our team,” wika ni Antetokounmpo. “We’re getting better. ... We know we’re leaving Vegas as a better team. I’m so proud of this group. Man, I’m so proud of this group.”
Pinamunuan ni Shai Gilgeous-Alexander ang Thunder sa kanyang 21 points habang may 18 markers si Jalen Williams.
Kumolekta si Isaiah Hartenstein ng 16 points at 12 rebounds para sa Oklahoma City.
- Latest
