Jazz tinambakan ng Bucks
MILWAUKEE — Bumira si Damian Lillard ng 34 points, habang humakot si Giannis Antetokounmpo ng 31 points at 16 rebounds sa 123-100 paggupo ng Bucks sa bisitang Utah Jazz.
Tinapos ng Milwaukee ang kanilang anim na sunod na talo para sa 2-6 record.
Bagsak naman ang Utah sa 1-7 marka.
Nagbalik sa aksyon si Antetokounmpo para sa Bucks matapos magkaroon ng isang right adductor strain.
Binanderahan ni Fil-American guard Jordan Clarkson ang Jazz sa kanyang 18 markers.
Sa Chicago, nagpasabog si Anthony Edwards ng 33 points bukod sa 8 rebounds at 6 assists para giyahan ang Minnesota Timberwolves (5-3) sa 135-119 pagpulutan sa Bulls (3-6).
Sa San Antonio, naglista sina Keldon Johnson at Malaki Branham ng tig-17 points para tulungan ang Spurs (4-5) sa 118-105 paggupo sa Portland Trail Blazers (3-6).
- Latest
